Ontmoet die drie broers van Palala Game Farms. Hulle is André, Arnold en Jurie Du Plessis. Hulle is suksesvolle sakemanne wat onder andere die BB Group en Global Nissan besit en suksesvol bestuur. Op die familieplase aan die oewer van die Limpoporivier, boer hulle ook intensief met beeste en wild. Hierdie plase beslaan 14 000 ha, en is geleë in die Tom Burke distrik. Ook word daar op grond buite Polokwane geboer met beeste, skape en wild.
Ter wille van bewaring en erfenis het die broers in 2007 besluit om met skaars en eksotiese wildsoorte te begin teel. In die Bosveld spits hulle hul toe op die teel van bastergemsbokke, swartwitpense, buffels en njalas. Die kudde swartwitpense bestaan uit Zambiese en Matetsi gene, en daar word gepoog om te teel na suiwer Zambiese gene. Die broers streef daarna om gehalte en gesonde trofee- en teeldiere aan die mark te voorsien.
Afgesien van kwaliteit wildvoer, vitamiene en natuurlike voedsel, is daar ook 58 ha bloubuffelgras onder besproeiing om gehaltebyvoeding (veral in die wintermaade) te verseker.
Voornemende kopers en belangstellendes is welkom om die broers te kontak vir ‘n afspraak. Besoek ook gerus Palala Game Farms se webtuiste by www.palala.co.za.
André du Plessis : 083 229 1886
andre@bbgroup.co.za
Arnold du Plessis : 082 893 4823
arnold@bbgroup.co.za
Jurie du Plessis : 082 807 5221
dp @ bbmotorstzn . co . za
 
|
